Drour tibiac 3

L'Uragan: I nestris vecius a jerin plens di spirt. Il flun Aricana, ch'al taca a Valdour par zi a muri ta la baia di Giacun, i vecius a lu clamavin l'Uragan. No parse ch'il flun a lu batevin i uragans, ma ben parse ch'il non dal flun par franseis (Harricana) al sunava par lour come «uragan». Al e cussi che calchidun al diseva «ju pal Uragan» par identifica il bandaval e «su pal Uragan» par identifica il bandamont. Nencia i canadeis a no disin una rouba cussi di matt.

S'a tripla un: La «tripla un» a je la ruta 111 (sent e undis) ch'a cor ta la regiun dal Tibi (Abitibi). Cussi un chistul al pos essi ciatat a disi una rouba dal genar: «Ret stat un insident s'a tripla un» (al ret stat un insident su la tripla un). O encia: «'Le un urgnal mart s'a tripla un». Non sientific dal urgnal: alces alces. Chistu rei dal bosc i lu clamin encia un «grant boc». Cunseis di prununsia: urgnàl, Tìbi, Abitìbi.

Calchi esempli d'elisiun: t'a ciamara (ta la ciamara), d'a regiun (da la regiun), s'a bruna (su la bruna), c'a sour (cu la sour), a' sitat (a la sitat), p'a not (pa la not). Esempli: Stet restat gno barba ca di nuatris p'a not.

Ciapu e tuc: I sterin jodut ta la voltada dal prin ciapitul dal Pissul prinsip ch'un «ciapu» al e un toc di vistiari ch'al si met sul ciaf. Par esempli i siours d'una volta a zevin sempri tal santruvil cul ciapu sul ciaf. Ma ca di nuatris i vin encia i «tucs». Un tuc, di solit fat di lana, al e chel toc ch'al si met sul ciaf tal unviar, e forsit encia tal prinviar e tal prinstat, par parassi dal freit.

Ch'a vi forsit plasin duchiscius nustris moutt di disi? Duchiscius, val a disi ducius chiscius; e di che strada: duchistu, duchista, duchistis. Esempli: Ei ch'i soi belza strac di duchistu mismas tibiac... Ma i speri ben di no par vuatris, parse ch'al e enciamo un caban di roubis a disivi ca di me. — Publicat tal sedis di maic dal scour sent e vinciaseis.