Drour tibiac 4

Cio chi ades un esempli pi lunc duprant il drour. Li esplicassiuns i ju ciataris chissot, dopu l'esempli. Ta chistu test a si trata d'un chistul ch'al jout un urgnal su la tripla un, intant ch'al huida il sio troc:

«Sta jodi mo, un urgnal grant tant ch'un urculat propit sul bort d'a ruta. Aioi ch'al e grant mour 'stu boc li, a si disares un troc cui cars. Cor subit ch'i zedi pi planc, che se chistul al dessit di traviarsa a' mi disfa il troc perfet, ganauras. Sta fa i afars ciei, gno grant, sta resta tal bosc, ch'i no ai propit voia di fa un cimi huei s'a tripla un».

Dics: un urgnal (alces alces), un urculat (mostri gigant), il bort da la ruta (teren in banda da la strada), aioi (al pant maravea), grant mour (tant grant), un boc (urgnal), un troc (veicul pi grant dal motociar par trasparta rouba), i cars (hues ch'a vegnin four dal ciaf dal urgnal), cor (bisugna), perfet (four par four), ganauras (sensa dubi), un cimi (insident), la tripla un (la ruta 111).

I pos zonta ch'un «sap» al e un cron semprivert, presint dapardut tai boscs dal Chebec, e che la zent a lu dupra tant che cron di Nadal. Esempli: Il grant boc al steva li, tal miecc dai saps, propit dongia d'a ruta. Stit nota ben: I duprin il dic «boc» encia par indressassi a d'un amic. Esempli: Ei gno boc, da ch'i ti steris zut stamat sensa di me? Stamat: ta la matina di huei. Ma cio ch'i podin encia dupralu cun ironia: Ch'i ti si crous bon d'imbroiami, gno boc?

Par concludi i vi fai un esempli di giouc ch'a viatt i tibiacs a crachin a rehuart da la lenga furlana di chei dal veciu pais, che, a disi il veir, al e duventat propit un proverbi ca di nuatris: Mieit tabaia urgnal che no fevela arleif. In cont dal dic «arleif» arnu, a no si trata chi di zovins ch'a van a scuela, ma ben da la lenga ufissial ch'i furlans di che atra banda da l'aga a sterin adotada par miecc da la lour agensia regiunal (ARLeF). Cun di pi il verp «fevela» i no lu duprin mai, ch'al ni somea sglonf. — Publicat tal disasiet di maic dal scour sent e vinciaseis.