Metru di Muntreal

Il metru di Muntreal, ta la pruvinsia dal Chebec, al a un'estensiun di scasin 66 km (sessantaseis chilumetrus), sistematt su catri liniis dotadis di 68 (sessantavot) stassiuns. Al e tra i pi traficatt dal pais, traspartant a zour via una media di pi d'un miliun di passagieirs tai zours di lavour. Il sistema dal metru al ret stat inaugurat tal 1966 (mil noufsent e sessantaseis). Un grun d'elementt architetonics a rin statt ispiratt ai metrus di Paris e d'atris sitatt franseisis come Lion e Marsilia.

I prins progett pa la custrussiun dal metru a van indavour tal 1910 (mil noufsent e deis), ma al stet coventat speta fin tal 1962 (mil noufsent e sessantadoi) prin ch'a tacassin i lavours, ch'a rin statt fatt in previsiun da l'espusissiun universal dal 1967 (mil noufsent e sessantasiet). Il prin toc, ciapant dentri 28 (vinciavot) stassiuns su do liniis dividudis, al ret stat inaugurat tal 1966 (mil noufsent e sessantaseis).

Un sburt a l'espansiun dal metru al rin di nouf stat dat da l'assegnassiun a la sitat dai zoucs olimpics dal 1976 (mil noufsent e setantaseis). Via pai ains a son sussedudis atris espansiuns da la reit, che l'ultima di ches a stet capitada tal 2007 (scour sent e siet), partant l'estensiun total a pi di 65 km (sessantasinc chilumetrus), cun 68 (sessantavot) stassiuns su 4 (catri) liniis: che verda, che naransa, che zala e che blu. La distansa media tra li stassiuns a je di 950 m (noufsent e sincanta metrus), cuntun minin di 296 m (dusint e novantaseis metrus) tal santruvil su la linia verda e un massin di 2,36 km (doi chilumetrus trentaseis) su la linia zala.

Tal 2023 (scour sent e vinciatrei) a stet viarzut la REM (Reit Espressa Metrupulitana), ch'a stet gambiat il mout di movissi in sitat. La REM a ja una curispundensa cun ogni linia di metru infour di che zala. — Publicat tal cuindis di maic dal scour sent e vinciaseis.