Israel al stet passat il mar

Il Signour al ghi stet dita cussi a Mose: «Parse ch'i ti berlis viars di me? Sta disighi ai israelitt di zi indenant. Sta alsa il cio baston, sta slungia la man sul mar e sta dividilu, par ch'i israelitt a podin zi dentri tal miecc dal mar sul sut. Jo i indurissarai il cour dai egissians e lour a vi coraran davour. I m'implenarai di gloria su li spalis dal faraon, di duta la so armada, dai siei carabatt e dai siei ciavalieirs. I egissians a savaran ch'i soi il Signour cant ch'i mi sarai ciamat di gloria su li spalis dal faraon, dai siei carabatt e dai siei ciavalieirs».

L'agnul dal Signour, ch'al ciaminava denant dal campament d'Israel, al si stet dismot d'uli e si ret mitut par davour di lour. Encia la pilastra dal nuvacc, ch'a jera par denant, a si stet plassada par davour e si ret mituda tra i egissians e il campament d'Israel. Il nuvacc al ghi partava il scur ai prins e la lus ai secontt, e duta la not a stet passada cussi sensa ch'a pudessin zi dongia chei la di chiscius ca. Alora Mose al stet alsat la man sul mar, e par duta la not il Signour al stet tirat indavour il mar cuntun grant vindazour, e li aghis a si sterin suiadis e si ret dividudis.

I fis d'Israel a sterin zutt dentri tal miecc dal mar sul sut e li aghis a ghi sterin fat di muraia a dreta e a goucc. I egissians a ghi sterin corut davour e ducius i ciavai dal faraon, i siei carabatt e i siei ciavalieirs a sterin zutt dentri tal miecc dal mar par corighi davour. Tal huacc di bunora, il Signour, di da ch'al era ta la pilastra di fouc e di nuvacc, al stet huardat ju tal campament dai egissians e ghi ret fat zi in cunfusiun.

Al stet incugnat li ruis dai carabatt, cussi ch'a zevin indenant a farsa di rascs. A sterin dita i egissians: «Stin sciampa denant d'Israel, parse ch'il Signour al cumbat da la lour banda cuintri dai egissians». Al ghi stet dita il Signour a Mose: «Sta slungia la to man sul mar, par che li aghis a si butin ju sui egissians, i lour carabatt e i lour ciavalieirs». Mose al stet slungiat la man sul mar e, sul crica dal zour, il mar al stet turnat tal sio post. I egissians, ch'a sciampavin, a si sterin intivatt cu li aghis d'ogni banda, e il Signour al ju stet ciapatt sot tal miecc dal mar.

Li aghis a sterin turnadis e rin ciapat sot ducius i carabatt e i ciavalieirs da l'armada dal faraon, ch'a jerin zutt dentri tal mar par corighi davour. A no 'nda stet restat nencia un di lour. I israelitt invessit a sterin zutt indenant sul sut tal miecc dal mar e li aghis a ghi sterin fat di muraia a dreta e a goucc. Ta chel zour il Signour al stet giavat Israel da li mans dai egissians e Israel al stet jodut i egissians martt su la riva dal mar. Israel al stet jodut la man farta dal Signour ch'a si era butada ju cuintri dai egissians. Il popul al stet ciapat timour dal Signour, e ret crodut tal Signour e in Mose sio servidour. — Acsadas XIV. Publicat tal undis di maic dal scour sent e vinciaseis.