Israel al stet zut viars il mar

Il Signour al ghi stet dita cussi a Mose: «Sta disighi ai fis d'Israel di turna indavour e di campassi dongia di Pi-Achirot, tra Migdul e il mar. Ch'a si campin su la riva dal mar, denant di Bal-Zefun. Il faraon al pensara cussi dai israelitt: Cioju li, ch'a van di ca e di la, ch'il fassoc al ghi a siarat la strada. Jo i indurirai il cour dal faraon e chel al ghi corara davour ai israelitt. La me gloria i la mostrarai su li spalis dal faraon e di duta la so armada, e i egissians a savaran ch'i soi il Signour».

Pena ch'a ghi sterin contat al rei dal Egit ch'il popul al era sciampat, il cour dal faraon e dai siei garsuns al stet gambiat a rehuart dal popul. A sterin dita: «Se ch'i vin fat mo a lassa ch'Israel al zes via e ch'al fermas di fani servissi?» Alora il faraon al stet fat prepara il sio carabat e ret ciolt cun se la so armada. Dai carabatt a'nda stet ciolt seissent dai mieit, insiemit cun duchei atris carabatt ch'al stet pudut tira dongia in Egit, ognun huidat d'un ufissial. Il Signour al stet indurit il cour dal faraon rei dal Egit, ch'al si stet mitut a corighi davour ai israelitt. Ma i fis d'Israel a sterin saltatt four cun man alsada.

I egissians, val a disi ducius i ciavai dal faraon, i siei carabatt, i siei ciavalieirs e la so armada, a ghi sterin dat davour, brincantju ch'a jerin campatt su la riva dal mar, dongia di Pi-Achirot, denant di Bal-Zefun. Tal moment ch'il faraon al rivava, i israelitt a sterin alsat i voi e rin jodut ch'i egissians a ghi corevin davour. I israelitt a sterin ciapat poura e rin berlat viars il Signour. A ghi sterin dita a Mose: «Forsit parse ch'a no erin tombai in Egit ch'i ti ni as menatt a muri tal fassoc? Se ch'i ti ni as fat menantni four dal Egit? I ti lu vevin propit dita enciamo in Egit: Sta lassani resta sot dai egissians, ch'i vin mieit sta sot dai egissians che no muri tal fassoc». Al ghi stet dita Mose a la zent: «No stit vei poura. Stit tegni dur e i jodaris se ch'al fadara huei il Signour par salvani, parse ch'i egissians ch'i jodis huei i no ju jodaris mai atri. Il Signour al si metara a combati par vuatris; i vis dome di sta cuiett». — Acsadas XIV. Publicat tal deis di maic dal scour sent e vinciaseis.