I grancc a no capissin mai nuia

Un viacc, cant ch'i vevi seis ains, i stei jodut un'ilustrassiun tant biela intun libri sul boscur ch'al si clamava Storiis Veris. A mustrava un sarpint sciafoiadour ch'al parava ju una bestia sovacc. Cio chi la copia dal dissen:

Al era scrit tal libri: «I sciafoiadours a glotin intieir se ch'a ciapin, sensa mastialu. Dopu, a no rivin pi a movissi e a darmin via pai seis meis da la digestiun». Ta che volta i stei pensat un grun a ches storiis dal boscur e rei rivat encia jo, cuntun craiun di culour, a fa il prin dissen. Il gno dissen numar 1. Al era cussi:

Il gno ciaduf i ghi lu stei mustrat ai grancc dumandant s'al ghi fadeva poura. A mi sterin rispundut: «Parse mai ch'un ciapu al vares di fa poura?». Il gno a nol era il dissen d'un ciapu. Al era il dissen d'un sciafoiadour ch'al digeriva un elefant. I stei dissegnat alora il dentri dal sciafoiadour, par ch'i grancc a pudessin capi, ch'a jan sempri bisugna d'esplicassiuns. Il gno dissen numar 2 al era cussi:

I grancc a mi sterin cunseat di lassa di banda i dissens di sarpintt viartt e siaratt e di sta davour invessit a la geugrafia, a la storia, ai numars e a la gramatica. Al e cussi ch'i stei bandunat, ta l'etat di seis ains, una cariara magnifica di pitour. I mi eri piardut di coragiu cul smac dal gno dissen numar 1 e dal gno dissen numar 2. I grancc a no capissin mai nuia di bessoi e i frutt a si strachin di sta li sempri a fa capi e a daciafa capi. Cussi i stei scugnut sercia un atri mistieir e rei imparat a svola cui aviuns. I ai svolat un pouc dapardut pal mont. E la geugrafia, a je vera, a mi a zovat un grun. I eri bon di diferenssia, a colp, la Sina da l'Arizona. Al zova un grun, s'a si e piardutt via pa la not.

Cussi i ai vut, ta la me vita, un grun a se fa cun tanta zent seria. I ai vivut a lunc tra i grancc. I ju ai jodutt tant di dongia. La me upiniun a no e massa gambiada in mieit. Cant ch'i ciatavi un ch'a mi sumeava ch'al capis alc, i lu metevi a li provis cul gno dissen numar 1, ch'i lu ai sempri tignut cont. I vulevi savei se pardabon al capiva. Al mi rispundeva sempri: «Al e un ciapu». I no ghi tabaiavi alora ne di sciafoiadours, ne di boscurs, ne di rialtt. I mi metevi al sio nivel. I ghi tabaiavi di bricc, di golf, di pulitica e di cravatis. E chel al era tant cuntent di vei ciatat un siour cussi resunevul. — Il pissul prinsip, ciapitul prin. Publicat tal deis di maic dal scour sent e vinciaseis.