I dravours a huidavin i pituns

I dravours a jerin chei ons ch'a huidavin i pituns tai fluns, par parta indenant ta l'aga un cunvoi di crons taiatt. I prins mulins in Canada a jerin di solit furnitt d'aga, di pissulis dimensiuns e instalatt no lontans dai boscs da ch'i ons a tiravin ju i crons. Dopu, cu l'instalassiun dai mulins pi inju dal flun, i dravours a vevin di huida i pituns viars il mulin fadintju flota sul peil da l'aga. In chei tocs pi amplis dal flun, i dravours a metevin insiemit i pituns par fa un boun; ma s'il flun al era stret o a voltt, o s'un ostacul al berdeava il lour lavour, a scugnivin disfa i bouns, par pudei parta indenant i pituns un davour di chel atri.

Il lavour al tacava di solit in prinviar dopu di vei mitut su un campament tal bosc, da ch'i ons a zevin a sta par pudei taca a tira ju i crons. A partavin i pituns su la riva dal flun cul socors dai bous o dai ciavai, e uli a ingrumavin i pituns. In prinstat a tacavin il traspart dai pituns tal flun; il compit dai dravours al era chel di sigura ch'i pituns a flotassin ju pal flun sensa berdeis.

Di solit l’echip al era fat di do scadris d'ons. I pi robuscc a vignevin mitutt par denant; s'a jodevin il prinsipit d'un mismas, a vevin di risolvilu davorman, prin ch'al capitas un gian. I ons di chista prima scadra a vevin d'essi tant fartt tal fisic. Al e dibant disi ch'il lour mistieir al era un grun periculous. La seconda scadra, mituda par davour, a jera fata d'ons mancul espertt ch'a vevin di tegni su la brena; a scugnivin sburta indenant i pituns ch'a jerin restatt indavour, chei piardutt da la prima scadra. Atris ons a lavuravin cul paic su la riva dal flun, sburtant indenant encia lour i pituns sparniciatt. — Publicat tal dodis di maic dal scour sent e vinciaseis.